Sameinað sveitarfélag Sandgerðisbæjar og Sveitarfélagsins Garðs mun heita Suðurnesjabær.

Sameinað sveitarfélag Sandgerðisbæjar og Sveitarfélagsins Garðs mun heita Suðurnesjabær.

 

Samgöngu-og sveitarstjórnarráðuneytið hefur með bréfi dags. 22. nóvember 2018 samþykkt að nafn sameinaðs sveitarfélags Sandgerðisbæjar og Sveitarfélagsins Garðs verði Suðurnesjabær.  Í bréfinu kemur fram að ráðuneytið muni staðfesta nafnið Suðurnesjabær á hið sameinaða sveitarfélag, verði samþykkt þess breytt á þann hátt með formlegum hætti í samræmi við ákvæði 2. mgr. 5. gr. og 1. mgr. 18. gr. sveitarstjórnarlaga.

 

Bæjarstjórn mun breyta samþykkt um stjórn sveitarfélagsins fyrir jól, þar sem nafnið Suðurnesjabær verður formlega samþykkt af bæjarstjórn.  Eftir það mun Samgöngu-og sveitarstjórnarráðuneytið staðfesta breytinguna og hún birt sem reglugerð í Stjórnartíðindum.  Formleg notkun á nýju nafni sveitarfélagsins hefst eftir að það hefur verið staðfest og birt.