Flestir völdu nafnið Suðurnesjabær

  

Nú í kvöld lauk könnun meðal íbúa sameinaðs sveitarfélags Sandgerðis og Garðs um nafn fyrir sveitarfélagið.  Alls höfðu 2.709 þátttökurétt í könnuninni, allir íbúar sveitarfélagsins fæddir árið 2002 og fyrr.   Alls tóku 933 þátt í könnuninni.  Þátttaka var því  34,44%

 

Val stóð milli þriggja nafna sem bæjarstjórn samþykkti að leggja fyrir íbúana.  Niðurstöður könnunarinnar voru eftirfarandi:

 

Heiðarbyggð hlaut 57 atkvæði, eða 6,1%

Suðurnesjabær hlaut 703 atkvæði, eða 75,3%

Sveitarfélagið Miðgarður hlaut 160 atkvæði, eða 17,1%

 

Áður en könnunin hófst lýsti bæjarstjórn því yfir að ef þátttaka verði yfir 50% og ef eitt nafn hljóti yfir 50% greiddra atkvæða verði niðurstaðan bindandi fyrir bæjarstjórn.

 

Þar sem þátttaka í könuninni náði ekki 50%, þá er niðurstaða könnunarinnar ekki bindandi fyrir bæjarstjórn. Bæjarstjórn mun taka málið fyrir á bæjarstjórnarfundi þann 7. nóvember og ákveða hvert framhaldið verður.

 

Þrátt fyrir að nú liggi fyrir hvaða nafn hlaut flest atkvæði í könnuninni,  þá þarf bæjarstjórn að samþykkja hvert nafn sveitarfélagsins verði og ráðherra að staðfesta það.   Það er því ekki komið nafn á sveitarfélagið fyrr en bæði bæjarstjórn og ráðherra hafa staðfest nafnið.